სრულიად საქართველოს კათოლიკოს-პატრიარქმა უწმინდესმა და უნეტარესმა ილია მეორემ აზერბაიჯანის ცნობილ საზოგადო მოღვაწეს, სახალხო არტისტს, გამოჩენილ მომღერალს ფოლად ბულბულოღლის უმასპინძლა. სტუმარს ილია მეორემ დაბადებიდან 70-ე წლის იუბილე მოულოცა.
პატრიარქთან შეხვედრაზე ასევე იმყოფებოდნენ აზერბაიჯანის ელჩი საქართველოში აზერ ჰუსეინი და „სოკარის" პრეზიდენტი როვნაგ აბდულაევი.
შეხვედრაზე პატრიარქმა ხაზი გაუსვა აზერბაიჯანისა და საქართველოს ურთიერთობის მნიშვნელობას და იმედი გამოთქვა, რომ ამ ორი ქვეყნის თანამშრომლობა კიდევ უფრო გაღრმავდება.
სტუმრებმა პატრიარქს უამბეს იმის შესახებ, თუ რაოდენ სერიოზულ საქმიანობას ეწევიან აზერბაიჯანში საქართველოსთან მეგობრული ურთიერთობის განმტკიცებისთვის.
ცნობილი აზერბაიჯანელი საზოგადო მოღვაწე ფოლად ბულბულოღლუ მრავალი წლის განმავლობაში იყო აზერბაიჯანის კულტურის მინისტრი. მან მნიშვნელოვანი წვლილი შეიტანა და შეაქვს ქართულ-აზერბაიჯანული კულტურული ურთიერთობების განტკიცებაში. ბულბულოღლუს ოჯახს ქართული ფესვები აქვს. სხვათაშორის, ბავშვობის წლებს ის ხშირად ატარებდა თბილისში.
ბულბულოღლის საიუბილეო კონცერტები უკვე გაიმართა ბაქოსა და მოსკოვში. 21 თებერვალს კი მომღერალი ქართველი მაყურებლის წინაშე წარსდგება იმ კონცერტზე , რომლის ორგანიზატორია ასოციაცია „კულტურათა დიალოგი XXI". ამ ორგანიზაციის პრეზიდენტია პროფესორი ვალერი ასათიანი.
p.s. ჟურნალისტ ნელი კობიაშვილის პირადი არქივიდან:
