„ნაციონალური მოძრაობის" წევრები ყველაფრის გამკეთებლები არიან. საერთო კონტექსტში, მათგან ყველაფერი მოსალოდნელი იყო,"- ასე გამოეხმაურა „რეპორტიორთან" საუბარში ვალერი გელაშვილი კარლო კოპალიანის განცხადებას, რომლის თანახმად, 26 მაისის დარბევას ეკა ხერხეულიძე და ჩიორა თაქთაქიშვილი მოითხოვდნენ.
ვალერი გელაშვილს არ აქვს ინფორმაცია, რა წვლილი მიუძღვით კონკრეტულად ხერხეულიძეს და თაქთაქიშვილს აქციის დარბევაში, თუმცა აცხადებს, რომ ყოფილი ხელისუფლების წევრებისგან ყველაფერი მოსალოდნელი იყო.
ცაგერის რაიონის ყოფილი მაჟორიტარი დეპუტატი კარლო კოპალიანი 2011 წლის 26 მაისის აქციის დარბევაზე აცხადებს, რომ აქციის დღეს ხალხის ამოხოცვას, სხვა „ნაციონალებთან" ერთად, ეკა ხერხეულიძე და ჩიორა თაქთაქიშვილიც ითხოვდნენ. ამის შესახებ კოპალიანი „ასავალ-დასავალს" ესაუბრა და აღნიშნა, რომ თაქთაქიშვილი და ხერხეულიძე მოთხოვნის შეუსრულებლობის შემთხვევაში ფანჯრიდან გადახტომით იმუქრებოდნენ.
