ზესტაფონში ადგილობრივმა მრევლმა საპროტესტო აქცია გამართა. აქციის მონაწილეები მარგვეთისა და უბისის ეპარქიის მთავარეპისკოპოსს, მეუფე ვახტანგს უპირისპირდებიან. მრევლმა მეუფე ვახტანგს კარი აუჭედა. მათი განცხადებით, იგი ბევრ ცუდ საქმეშია შემჩნეული, მათ შორის მრუშობაში, საკუთარ მრევლთან არაკეთილსინდისიერ მოპყრობაში, რის გამოც საპატრიარქოსა და პატრიარქს სთხოვენ, აღნიშნული სასულიერო პირი ეპარქიიდან გაიწვიონ. აქციის მონაწილეების განმარტებით, ამ საკითხის განხილვა საპატრიარქოში უკვე შედგა, თუმცა, არა მეუფე, არამედ ის სასულიერო პირები დასაჯეს, ვინც მეუფეს ბრალს სდებდნენ. აქციის მონაწილეებს პატრიარქის იმედი აქვთ და იმედოვნებენ, რომ საკითხი დადებითად გადაწყდება.