კრწანისის რეზიდენციაში წიგნის „საუბრები კრწანისის ველზე" პრეზენტაცია გაიმართა. ორტომეულში ედუარდ შევარდნაძის ინტერვიუებია შესული, რომელიც 2006-2009 წლებში „ასავლ-დასავალში" დაიბეჭდა.

წიგნის პრეზენტაცია  საქართველოს  ყოფილი პრეზიდენტის, ედუარდ შევარდნაძის მეუღლის ნანული შევარდნაძის დაბადების დღეს დაემთხვა. საერთაშორისო ასოციაცია „საქართველოს ქალები მშვიდობისა და სიცოცხლისათვის" თავმჯდომარე მაია კვეზერელი-კოპაძე და ვიცე-პრეზიდენტი ნელი გურგენიძე კრწანისის რეზიდენციას ესწუმრნენ და ყოფილი პირველი ლედის საფლავი ყვავილებით შეამკეს. მათთან ერთად იმყოფებოდნენ საზოგადოების სხვა წევრებიც, რომლებმაც პატივი მიაგეს ედუარდ და ნანული შევარდნაძეების ხსოვნას.