"საქართველოსთან კარგი ურთიერთობის ჩამოყალიბება გვინდა, თუკი ქართული მხარე აფხაზეთის დამოუკიდებელი რესპუბლიკის არსებობას აღიარებს",- ამის შესახებ აფხაზეთის დე ფაქტო რესპუბლიკის პრეზიდენტმა, რაულ ხაჯიმბამ გალის რაიონში მოსახლეობასთან შეხვედრისას განაცხადა.
შეხვედრაზე საუბარი გალში განათლების ხარისხს შეეხო. ხაჯიმბას განმარტებით, ის მოსახლეობისთვის მშობლიურ ენაზე სწავლის უფლების აკრძალვას არ აპირებს, თუმცა მიუღებლად მიაჩნია ისეთი სახელმძღვანელოების გამოყენება, რომლებიც აფხაზეთის სახელმწიფოს არსებობას უარყოფს.
„ჩვენ პარტნიორული ურთიერთბა დავამყარეთ რუსეთთან და საქართველოსთანაც კარგი ურთიერთობის ჩამოყალიბება გვინდა, თუკი ქართული მხარე მიხვდება, რომ აფხაზეთის დამოუკიდებელი რესპუბლიკის არსებობის აღიარება აუცილებელია", - განაცხადა ხაჯიმბამ.
(მოამზადა ნინი მოდრეკილმა)
