ქუთაისის მეორე საპყრობილეში გარდაცვლილი პატიმრის, გოგა ძველაიას, მშობლები ქუთაისის საოლქო პროკურატურამ დაკითხა.  გამოძიება გარდაცვლილის ჯანმრთელობის მდგომარეობით დაინტერესდა.

"თუ გამოძიება არ ჩატარდება ნორმალურად, მაშინ ჩემ შვილს არჩევნებამდე არ დავასაფლავებ და არჩევნების დღეს საარჩევნო შენობის წინ დავასვენებ და ვნახოთ რა შედეგს გამოიღებს" - განაცხადა გარდაცვლილის დედამ, მთვარისა ძველაიამ.  
შეგახსენებთ, რომ 16 წლის,  გოგა ძველაია,  ქუთაისის #2 დაწესებულების  საკანში გარდაცვლილი იპოვეს. ძველაია მეორედ იყო დაკავებული. იგი მარიამობას პრეზიდენტმა შეიწყალა და ახლა ქურდობისთვის დააპატიმრეს, მაგრამ  გირაოთი უნდა გაეთავისუფლებინათ.