საინფორმაციო პორტალ "ინფო9"-ის ჟურნალისტმა, გიორგი ბერიძემ შრი-ლანკაში იქორწინა - ეს ამ ქვეყანაში პირველი ქართული ქორწილია. მისი რჩეული თამუნა თიღილაურია.
ცერემონია ოკეანის პირას მეგობრების გარემოცვაში შედგა. ქორწილში იხილავდით სპილოსა და მოცეკვავეებს. ნეფე-დედოფალი შრი-ლანკურ ეროვნულ სამოსში იყო გამოწყობილი, სანაპიროზე ქართული სიმღერები და სადღეგრძელოები ისმოდა. გიორგის ხუთი მეჯვარე ჰყავდა, მათ შორის 1 ბაქოდან, 2 ევროპიდან და 2 თბილისიდან ჩავიდა, თამუნას კი გვერდს 7 მეჯვარე უმშვენებდა. როგორც გიორგიმ გვითხრა, მრავალჟამიერმა სასტუმროს პერსონალი და ტურისტები ძალიან მოხიბლა.
ისინი შრი-ლანკაში საქორწინო მოგზაურობაში იმყოფებოდნენ, ქორწილის გადახდა სპონტანურად გადაწყდა. ქართველი წყვილის ქორწილით კოლომბოს ადგილობრივი გაზეთიც დაინტერესდა და გიორგისთან და მის მეუღლესთან ინტერვიუ ჩაწერა. ჟურნალისტი ქართველი ნეფე-დედოფლით ისე მოიხიბლა, აღნიშნა, წლის საუკეთესო უცხოელი წყვილი ხართ, მათ შორის ვინც აქ ქორწილი გადაიხადაო.
"შრი-ლანკური, ინდური და აზიური დღესასწაულები ჩემთვის უცხოა - ეს ყველაფერი ჩემმა მეგობრებმა დაგეგმეს, სპონტანურად მოხდა. მათთან წლებია ვმეგობრობ. გადავწყვიტეთ, რომელ ქვეყანაშიც ჩავალთ, ყველგან ვიქორწინოთ. მრავალჟამიერმა სასტუმროს პერსონალი და ტურისტები გადარია. ამ ქორწილმა ყველას პოზიტიური სტრესი და ეიფორია მოგვარა", - გვითხრა გოგამ.
http://info9.ge/sazogadoeba/masmedia/112591-info-9-is-zhurnalistis-egzotikuri-qortsili-mravalzhamieri-shri-lankaze.html?lang=ka-GE
