არასამთავრობო ორგანიზაცია "ახალგაზრდა ადვოკატები" დღეს კონფერენციას გამართავს.
მრგვალი მაგიდა ისეთ თემებს შეეხება, როგორიცაა, საქართველოს კანონის ეფექტურობისა და ნაკლოვანებების შეფასება თავისუფალი ვაჭრობისა და კონკურენციის სფეროში; ევროპაში არსებული მაკონტროლებელი კომისიები და თავისუფალი ვაჭრობისა და კონკურენციის სფეროში არსებული ევროკავშირის სტანდარტები; ქართული მონოპოლისტი კომპანიები, მონოპოლია და ოლიგოპოლია საქართველოში და საქართველოს მთავრობის მიერ, შესყიდვებისა და კონკურენციის სფეროში განხორციელებული ცვლილებების ანალიზი.
ორგანიზაციის ინფორმაციით, კონფერენციას ექსპერტები და სამთავრობო უწყებების წევრები, არასამთავრობო ორგანიზაციების წარმომადგენლები და ეკონომიკურ საკითხებზე მომუშავე ჟურნალისტები დაესწრებიან.
შეხვედრის ბოლოს თემებზე დისკუსია გაიმართება და სარეკომენდაციო წინადადებები მომზადდება, რომელიც აღმასრულებელ ხელისუფლებას გაეგზავნება.
