"ქართული ოცნების" პრეზიდენტობის კანდიდატი, გიორგი მარგველაშვილი, ისნის რაიონის მოსახლეობას  მეტრო "ავლაბართან"  შეხვდა. პრეზიდენტობის კანდიდატი  საზოგადოებას ისნის რაიონის მაჟორიტარმა დეპუტატმა, ნუკრი ქანთარიამ, წარუდგინა.

"ასეთი მშვიდობიანი და თავისუფალი არჩევნები საქართველოს არ ახსოვს, მეტიც, ჩვენ ამ არჩევნებს ვაფასებთ ევროპული სტანდარტით და არა წინა წლებთან შედარებით. მაგრამ მცდელობა არის, რომ რაღაცნაირად ჩრდილი მიაყენონ ამ არჩევნებს. მე ამომრჩეველს მოვუწოდე - იყოს უაღრესად ორგანიზებული ამ პროცესში და თავისი მასობრივი მონაწილეობით არ დაუშვას, რომ რამე ჩრდილი მიეყენონ ჩვენს დემოკრატიას, კონსოლიდაციას და ევროპის მიმართულებით მოძრაობას" - განაცხადა შეხვედრაზე მარგველაშვილმა.