სირიის ჩრდილო-დასავლეთში შეიარაღებულმა პირებმა წითელი ჯვრის ექვსი და ადგილობრივი წითელი ნახევარმთვარის ერთი თანამშრომელი გაიტაცეს. წითელი ჯვრის საერთაშორისო კომიტეტის ინფორმაციით, მათ არ ჰქონიათ კონტაქტი დაუდგენელ შეიარაღებულ პირებთან, მაგრამ შვიდივე გატაცებულის გათავისუფლება მოითხოვეს.

სირიის დედაქალაქის ცენტრში ორი დანაღმული ავტომობილიც აფეთქდა. სახელმწიფო საინფორმაციო სააგენტო „სანას" ცნობით, ტერორისტების მოწყობილ აფეთქებები უმაიდის პარკში მოხდა და დააზიანა სახელმწიფო რადიო-ტელევიზიის შენობა. თავდასხმას მსხვერპლი არ მოჰყოლია.