საქართველოს სპორტისა და ახალგაზრდობის საქმეთა სამინისტრო პროექტ „ლიტერატურული ბანაკის" ორგანიზატორებს მხარდაჭერას უცხადებს - ამ საკითხზე დღეს მინისტრმა ლევან ყიფიანმა  პოეტ გენრი დოლიძესთან გამართულ შეხვედრაზე იმსჯელა. პროექტი 10-დღიანია და ის ივლისში ბათუმში გაიმართება. „ლიტერატურული ბანაკი" საქართველოს მასშტაბით დამწყებ პოეტებსა და მწერლებს აერთიანებს.

ლევან ყიფიანი აჭარის ახლაგაზრდობის პრობლემების შესახებ ინფორმაციასაც გაეცნო.

ამასთან, გენრი დოლიძემ მინისტრს მადლობა გადაუხადა პოეზიის საღამოს მხარდაჭერისთვის, რომელიც გუშინ თუმანიშვილის კინომსახიობთა თეატრში გაიმართა. საღამოს ორგანიზატორები იყვნენ: მედიაჰოლდინგი „რეპორტიორი", სპორტისა და ახალგაზრდობის საქმეთა სამინისტრო და თუმანიშვილის კინომსახიობთა თეატრი.