„ქართული ოცნების" საპრეზიდენტო კანდიდატი, გიორგი მარგველაშვილი, დღეს რუსთავში მოსახლეობას შეხვდა. გიორგი მარგველაშვილი, ამომრჩევლებს რუსთავის მაჟორიტარმა დეპუტატმა, ზვიად ძიძიგურმა, წარუდგინა. საპრეზიდენტო კანდიდატმა რუსთაველებს არჩევნებში მხარდაჭერა სთხოვა და განაცხადა, რომ ახალი დემოკრატიული ცხოვრება დაიწყება.
"მუდმივად იმასთან დაკავშირებით საუბარი როგორ შეიძლება უარი ვთქვათ მეორე ტურზე, მარტივად, იმდენად შეიძლება რამდენადაც ენდობი შენს ხალხს. მე უარს ვამბობ იმიტომ, რომ თქვენ გენდობით და არა იმიტომ, რომ რაიმე ამპარტავნობა მჭირს. მე, თქვენი ნდობიდან გამომდინარე ვამბობ უარს მეორე ტურზე. მე ამას ნათლად ვაჩვენებ, რომ არ არის არანაირი კითხვები. ჩვენი ოპონენტების დაბღვერილ სახეებს ვაკვირდები. ვაკვირდები იმას, თუ რა ვითარებაა, "ნაციონალური მოძრაობა" დარდობს, რომ მარგველაშვილმა მეორე ტურზე უარი თქვა. დებატებში ვიყავი და ვეკითხებოდი ბაქრაძეს, შენ ხომ უნდა გიხაროდეს, მე მეორე ტურზე თუ უარი ვთქვი, შენ ხომ ძლიერი კანდიდატი ხარ, რა გადარდებს." - განაცხადა მარგველაშვილმა.
