„შავფაროსნები" ევროპაში  ერთ-ერთ   ყველაზე ცნობილ  და მასშტაბურ ფესტივალზე „ნატალე დი რომა"  საქართველოს კულტურისა და ძეგლთა დაცვის სამინისტროს მხარდაჭერით გაემგზავრნენ და  ევროპის 30-მდე ქვეყნის წარმომადგენელს შორის საუკეთესო მონაწილის სტატუსი მოიპოვეს.

 საქართველოს სახელით, რომის ფესტივალზე ქართული კულტურის რამდენიმე მიმართულება, ქართული საბრძოლო ხელოვნების ფედერაცია „შავფაროსნებმა"   და ანსამბლმა   "ჩვენებურებმა"  წარადგინეს.  ქართველების გამოსვლამ   „ნატალე დი რომა"-ს   ასეულ ათასობით მაყურებლის დიდი მოწონება დაიმსახურა და უცხოური მედიის ინტერესის ობიექტიც გახდა.

 ევროპის უძველესი დედაქალაქის რომის დაარსებისადმი მიძღვნილი ფესტივალის სანახავად ტურისტები იტალიაში  მთელი მსოფლიოდან ჩადიან, რადგან   ამ დღეს რომში ევროპის ანტიკური ისტორია ცოცხლდება. ფესტივალის ფარგლებში რომის ისტორიულ ქუჩები იკეტება და ოთხ  კილომეტრიანი კოსტიუმირებული აღლუმი  იმართება.  აღლუმზე, რომელსაც მაყურებლის უწყვეტი ნაკადი მიუყვება,  ყველა ქვეყანა  საკუთარ  კულტურას  და  საბრძოლო ისტორიას  წარადგენს.

 მსვლელობის დროს ყველაზე დიდი ოვაციებითა და აპლოდისმენტებით მაყურებელი სწორედ "შავფაროსნების"  გამოსვლას შეხვდა.  ჩირკო მასიმოს მოედანზე კი, სადაც  Nატალე დი ღომა-ს ფინალური  ნაწილი  იმართება ,  ანსამბლ  "ჩვენებურების"  შესრულებული ქართული სიმღერის  ფონზე,   შავფაროსნების საბრძოლო შოუმ  არათუ მხოლოდ მაყურებელი,  ფესტივალის ორგანიზატორებიც  აღაფრთოვანა.  მათი   გადაწყვეტილებით, საქართველომ Nატალე დი ღომა-ს   საუკეთესო მონაწილის სტატუსი  მიიღო.  რომში წარმატებული გამოსვლის შედეგად  "შავფაროსნებმა"  ბულგარეთიდან, რუმინეთიდან და ევროპის კიდევ   რამდენიმე ქვეყნიდან  მიწვევაც  მიიღეს.

 საქართველოს კულტურისა და ძეგლთა დაცვის სამინისტროსთან ერთად,  პროექტის მხარდამჭერია თბილისის მერიის კულტურულ ღონისძიებათა ცენტრი.

27 აპრილს, 15:00 საათზე, სპორტულ კომპლექსში „არენა" (მის: უნივერსიტეტის ქ. 2), „შავფაროსნები" და ანსამბლი „ჩვენებურები" საქართველოს კულტურისა და ძეგლთა დაცვის მინისტრთან მიხეილ გიორგაძესთან ერთად გამართავენ პრესკონფერენციას რომის ფესტივალზე მიღწეულ  წარმატებასთან დაკავშირებით.

(მოამზადა თეონა რამაზაშვილმა)