საფრანგეთის პრეზიდენტმა ფრანსუა ოლანდმა უკმაყოფილება გამოთქვა, ვინაიდან აშშ-ის ეროვნული უსაფრთხოების სააგენტო საფრანგეთში ფარულ სატელეფონო მოსმენებს ახორციელებდა - ინფორმაციას ამის შესახბ "ბიბისი" ავრცელებს.
საფრანგეთისა და აშშ-ის პრეზიდენტებს შორის გამართული სატელეფონო საუბრისას, ფრანსუა ოლანდმა ბარაკ ობამას განუცხადა, რომ მსგავსი პრაქტიკის გამოყენება დაუშვებელია მეგობრებისა და მოკავშირეების მიმართ
ამასთან, თეთრი სახლის მიერ გავრცელებულ განცხადებაში ნათქვამია, რომ ბარაკ ობამამ მკაფიოდ განმარტა, რომ აშშ-მა დაიწყო სპეცსამსახურების მიერ სადაზვერვო ინფორმაციის მოპოვების მეთოდების გადახედვა.
"სატელეფონო საუბრისას პრეზიდენტმა ობამამ მკაფიოდ განმარტა, რომ აშშ-მა დაიწყო სპეცსამსახურების მიერ სადაზვერვო ინფორმაციის მოპოვების მეთოდების გადახედვა იმისათვის, რომ ჩვენს მოქალაქეებსა და მოკავშირეებს შორის უსაფრთხოების უზრუნველყოფა დაბალანსდეს, ასევე დავიცვათ ადამიანების პირადი ცხოვრების უფლებები".- ნათქვამია თეთრის სახლის მიერ გავრცელებულ განცხადებაში.
