დედაქალაქის მერი, გიგი უგულავა, თბილისის მერობის სასურველ კანდიდატურასთან დაკავშირებით პრემიერ-მინისტრ, ბიძინა ივანიშვილს, თავისი „Facebook-ის" გვერდზე ეხმაურება.
"არადა მივდივარო და თქვენ, ხალხმა, გადაწყვიტეთ აწი, ვის სად აირჩევთო. ბატონ პრემიერს უყვარს გამოთქმა "წინა ხელისუფლება სიცრუეში გაცხოვრებდათო". საერთოდ არ მანაღვლებს ვინ "უზის თავში" ბატონ ბიძინას. ფაქტია, რომ დადასტურდა, ის პასუხისმგებლობას გაურბის და ეტრფის ძალაუფლებას. თქვენზე არ ვღელავ, მაგრამ ქვეყნისთვის ეს ძალიან ცუდია", - წერს უგულავა.
შეგახსენებთ, რომ პრემიერ-მინისტრის პოსტის დატოვებამდე, ბიძინა ივანიშვილი, თბილისის მერობის სასურველი კანდიდატურის დასახელებას აპირებს. მან ამ თემასთან დაკავშირებით ტელეკომპანია "იმედის" ეთერში, გადაცემა "პოლიტიკის დროში" ისაუბრა.
