როგორც პოლკოვნიკ სერგო თეთრაძის ოჯახის ადვოკატმა მაგდა კოტრიკაძემ „რეპორტიორთან" საუბარში განაცხადა,მოხდა ისეთი უსამართლო ფაქტები,როგორიც არის პოლკოვნიკ სერგო თეთრაძის საქმეში მონაწილე პირების სხვადასხვა თანამდებობებზე დანიშვნა და ის ითხოვს არჩილ კბილაშვილთან შეხვედრას,რამეთუ რამდენიმე ადამიანი პროკურატურაში არის გადაყვანილი და სწორედ ამ თემაზე აპირებს ის კბილაშვილთან საუბარს,რომ მას მიაწოდოს ამ ადამიანების სახელები და გვარები.
მაგდა კოტრიკაძე: მინდა შევხვდე მთავარ პროკურორს,რომ მას მივაწოდო სახელები და გვარები და კონკრეტული ინფორმაცია იმ ადამიანების შესახებ,რომლებიც არიან სერგო თეთრაძის საქმეში მონაწილეები და ისინი დღეს პროკურატურაში არიან დასაქმებულები სხვადასხვა თანამდებობებზე.
მაგდა კოტრიკაძეს განსაკუთრებით ის ფაქტი არ მოსწონს,რომ სერგო თეთრაძის საქმეში მონაწილე რამდენიმე პირს ბრალდების მხარემ სასამართლო პროცესზე მოუხსნა მოწმის სტატუსით დაკითხვის პასუხისმგებლობა,როცა ეს გამოძიებას ხელს შეუწყობდა.
