„თუ ჩემს მიმართ შენიშვნაა, ისეთი კაცი ვარ, რომ ყველანაირ შენიშვნას ვიღებ, რომელიც სამართლიანია", -ასე გამოეხმაურა საპარლამენტო უმრავლესობის წევრი ზურაბ ტყემალაძე ეკონომისტების შენიშვნას, რომლებიც მთავრობას ეროვნული ბანკის მიმართ ღონისძიებების გატარების უმოქმედობაში ადანაშაულებენ.
„ის, რომ ეროვნული ბანკის წარმომადგენლებთან შეხვედრა არ მომხდარა, ამაში ვერ დავეთანხმები მათ, რადგან დაახლოებით, ერთი თვის წინ საკომიტეტო მოსმენა ჩავატარეთ. მოსმენაზე ეროვნული ბანკის მმართველიც და მთელი ეკონომიკური გუნდი გვყავდა მოწვეული.
რაც შეეხება იმას, რომ უფრო მეტი ღონისძიება უნდა გაგვეტარებინა და ეროვნული ბანკის მიმართ განგაში უფრო ადრე აგვეტეხა, ამაზე პასუხისმგებლობის აღება შეგვიძლია. შენიშვნას ვიღებთ, რომ ამ მიმართულებით გარკვეული მკვეთრი ზომების გატარებაში დავაგვიანეთ", -აცხადებს ტყემალაძე, „რეპორტიორთან" საუბრისას.
