სულხან-საბა ორბელიანის 355-ე წლისთავის აღსანიშნავად ბოლნისში ხალხური შემოქმედებითი საღამო გაიმართა. ღონისძიება ადგილობრივი მუნიციპალიტეტის ორგანიზებით მოეწყო და მას სასჯელაღსრულების, პრობაციისა და იურიდიული დახმარების საკითხთა მინისტრი, სოზარ სუბარი დაესწრო. მინისტრის განცხადებით, სულხან-საბა ორბელიანი არის მაგალითი სახელმწიფოებრივი მოღვაწეობის და ეს დღე ყოველთვის გამორჩეულად უნდა აღინიშნებოდეს. სოზარ სუბარმა იმედი გამოთქვა, რომ სულხან-საბა ორბელიანის ლიტერატურული თუ დიპლომატიური მოღვაწეობის შეხსენება ქართული საზოგადოებისთვის ყოველწლიურად მოხდება.
ღონისძიებაში მონაწილეობდნენ სახალხო მომღერალი ნინო ბაშარული, ანსამბლი „ალილო" და სხვა შემოქმედებითი ჯგუფები. გარდა კონცერტისა, გაიმართა ხალხური რეწვის ნიმუშების გამოფენა-გაყიდვა, ასევე ჩატარდა ტურნირი მოზარდთა შორის ჭადრაკში.
