შსს-ს გავრცელეული ინფორმაციით, ბათუმის ბულვარში აღმოჩენილი 16 წლის გარდაცვლილი გოგონას საქმე, განზრახ მკვლელობის მუხლით აღიძრა. შემთხვევის ადგილზე აღმოჩენილია გოგონას ჩანთა და ბლოკნოტი, დაკარგულია ველოსიპედი და მობილური ტელეფონი iphone 5. როგორც ოჯახის ახლობელმა ლია მგელაძემ განაცხადა, ცხედარს ზურგზე დიდი ქვა ედო. მისივე თქმით, გოგონას ყელი ჰქონდა გამოჭრილი. "ჩემი შვილის კლასელი იყო. მთელი ღამის განმავლობაში ოჯახი და ახლობლები ეძებდნენ გოგონას. ის თავის კლასელებთან ერთად ამ ადგილზე ხშირად მოდიოდა, ველოსიპედით სეირნობდა. ბოლოს აქ გამოვიარეთ და ვნახეთ ეს საზარელი შემთხვევა", - განაცხადა ლია მგელაძემ.