13 ივნისის სტიქიის დროს ყველაზე ცხელ წერტილებში მომუშავე ჟურნალისტებს დააჯილდოვებენ. ამ ინიციატივის შესახებ პრემიერ-მინისტრმა ირაკლი ღარიბაშვილმა კრიზისების მართვის საბჭოს სხდომაზე განაცხადა. ამ თემასთან დაკავშირებით, „რეპორტიორს" ჟურნალისტი თამარ რუხაძე ესაუბრა და აღნიშნა, რომ ჟურნალისტების კარგი მუშაობა დასაფასებელია.

„ნებისმიერს შეიძლება გაუჩნეს ასეთი იდეა და სურვილი, მათ შორის პრემიერსაც. შინაგან საქმეთა სამინისტროც ატარებს ხოლმე ჟურნალისტურ კონკურსებს საქართველოში და აჯილდოებს ჟურნალისტებს. ამავე დროს ყველას აქვს თავისი არჩევანი, პრემიერსაც და მედიასაც ან ცალკეულ ჟურნალისტებსაც - მათ შეუძლიათ, მიიღონ ან არ მიიღონ ასეთი ჯილდო", - ამბობს თამარ რუხაძე.