„სააკაშვილის ხელისუფლებამ საქართველოს ეკონომიკა ტურიზმზე „ჩამოკიდა", - ამის შესახებ ანალიტიკოსმა დემურ გიორხელიძემ „ასავალ-დასავალს" განუცხადა. მისი თქმით, თუ დღევანდელმა ხელისუფლებამ აღნიშნული კონცეფცია არ შეცვალა, ეკონომიკას სრული კრახი ემუქრება, როგორც ეს მოხდა საბერძნეთისა და ესპანეთის შემთხვევაში.
„საბერძნეთსა და ესპანეთს ჩვენზე გაცილებით დიდი ტურისტული პოტენციალი გააჩნიათ, მაგრამ ეკონომიკის ტურიზმზე „ჩამოკიდების" კონცეფციამ ორივე ქვეყანაში კრახი განიცადა. ანალოგიური ემუქრება საქართველოს ეკონომიკასაც, თუ ეს კონცეფცია მოქმედმა ხელისუფლებამ არ შეცვალა. იქ, სადაც მეცნიერება და განათლება არ ვითარდება, სადაც ინოვაციები არ ინერგება, ტურიზმით, ბორდელებითა და კაზინოებით ეკონომიკა ვერ განვითარდება. ასეთ ქვეყანას მომავალი არ აქვს!" - განაცხადა ანალიტიკოსმა საგაზეთო ინტერვიუში.
წყარო: გაზეთი „ასავალ-დასავალი"
(მოამზადა ალა გრიგალაშვილმა)
