თბილისის მერი დავით ნარმანია ევროპის მოედანზე ოლიმპიურ ცეცხლს პირველი შეეგება. ოლიმპიური ცეცხლის ესკორტს ევროპის მოედანზე თბილისის მერი, „თბილისი 2015"-ის საორგანიზაციო კომიტეტის თავმჯდომარე ალეკო ახვლედიანთან და საქართველოს ეროვნული ოლიმპიური კომიტეტის პრეზიდენტ ლერი ხაბელოვთან ერთად დახვდა. ალეკო ახვლედიანმა მერს ოლიმპიური ცეცხლი უსაფრთხოების ლამპრით საზეიმოდ გადასცა.
ღონისძიებაზე თბილისის მერმა საზოგადოებას სიტყვით მიმართა. დავით ნარმანიასგანცხადებით, ევროპის ახალგაზრდული ოლიმპიური ფესტივალისთვის თბილისი მთელს ქვეყანასთან ერთად ემზადებოდა. მისივე განცხადებით, ყველაფერი გაკეთდა, რათა დედაქალაქის ისტორიაში პირველ ოლიმპიურ ფესტივალს ღირსეულად დახვედროდა ქვეყანა. დავით ნარმანიას თქმით, საქართველოს მთავრობასთან, ყველა უწყებასთან და სამინისტროსთან ერთად, სამუშაოები უმაღლეს დონეზე შესრულდა: ყველა სპორტული არენა უკვე მზად არის.
„მინდა ვისარგებლო შემთხვევით და თბილისელების სახელით დიდი მადლობა ვუთხრაყველას, ვინც დრო, უნარი, ნიჭი, ძალა და ენერგია არ დაიშურა, რათა დედაქალაქიღირსეულად დახვედროდა ოლიმპიურ თამაშებს. ოლიმპიადის დღეებში თბილისიათასობით სპორტსმენსა და ათიათასობით გულშემატკივარს უმასპინძლებს 50-ზე მეტიქვეყნიდან. ოლიმპიური ფესტივალი იქცევა ახალ საწყისად საქართველოსდედაქალაქისთვის, რომელიც უკეთ გააცნობს მას მთელს ევროპასა და მსოფლიოს.ყველა გარემოა შექმნილი საიმისოდ, რომ ყველა სპორტსმენისა და სტუმრისათვის ესოლიმპიური ფესტივალი და თბილისში გატარებული დღეები დაუვიწყარი იყოს. თავადთბილისელები კი ამ დიდი სპორტული ზეიმის სრულუფლებიანი მონაწილენი იქნებიან",-განაცხადა დავით ნარმანიამ
ღონისძიებაზე თბილისის მერმა ოლიმპიური ცეცხლი საზეიმოდ მეჩირაღდნე ნიკუშა შენგელაიას გადასცა, რომელმაც ჯგუფთან ერთად თავისუფლების მოედნისკენ გაემართა.
ესტაფეტის დასასრულს, ბოლო მეჩირაღდნემ სპორტისა და ახალგაზრდობის საქმეთა მინისტრმა ტარიელ ხეჩიკაშვილმა ოლიმპიური ცეცხლი სცენაზე აიტანა და ჩირაღდანი საქართველოს პრემიერ-მინისტრს ირაკლი ღარიბაშვილს გადასცა. მთავრობის მეთაურმა ცეცხლი საზეიმოდ დიდ თასში აანთო.
თბილისში ოლიმპიურ ცეცხლს თავისუფლების მოედანზე, თბილისის საკრებულოს მიმდებარე ტერიტორიაზე სპეციალურ ლამპარში მოათავსებენ, მისი ნახვის საშუალება კი ყველას ექნება.
26 ივლისს, ოლიპიური ფესტივალის გახსნის დღეს საპატიო მეჩირაღდნეები ცეცხლს მიხეილ მესხის სახელობის სტადიონზე შემოიტანენ, იგი გახსნის ცერემონიალზე დიდ კაულდრონში აინთება და ფესტივალის დასრულებამდე იგიზგიზებს.
(მოამზადა თეონა რამაზაშვილმა)
