რუსეთის საზღვარი ქართული ვაშლის პირველმა პარტიამ გადაკვეთა. ინფორმაციას ამის შესახებ ტელეკომპანია НТВ ავრცელებს რუსული ტელეკომპანიის ინფორმაციით, ხილის ერთი პარტია მოსკოვში, მეორე პარტია კი ციმბირში გაიგზავნება. ასევე დაგეგმილია მსხლის, კომშის, კარალიოკისა და თხილის შეტანა.

ამასთან, НТВ-ს ცნობით, ამ დროისთვის კონტრაქტების გაფორმება მიმდინარეობს რუსულ ბაზარზე ქართული მანდარინისა და სხვა ციტრუსების შეტანასთან დაკავშირებით.

"ინტერფაქსის" ინფორმაციით კი, ნოემბერში თბილისს "როსსელხოზნადზორის" სპეციალისტები ეწვევიან. რუსი ექსპერტები მაღალი ფიტოსანიტარული რისკის მქონე პროდუქტების წარმოების პროცესს დააკვირდებიან.