დნეპროპეტროვსკის ყოფილი გუბერნატორი, უკრაინელი ბიზნესმენი იგორ კოლომოისკი სააკაშვილს ცილისწამებაში ადანაშაულებს და ოდესის ოლქის ხელმძღვანელის წინააღმდეგ სასამართლოში სარჩელის შეტანას აპირებს. კოლომოისკი აღნიშნავს, რომ სააკაშვილს გუბერნატორად არ მიიჩნევს, რადგან ის „შაბაშნიკია" და „პოლიტიკურ საშოვარზეა".
ოდესის ოლქის ხელმძღვანელსა და კოლომოისკის გუნდის დაპირისპირება მას შემდეგ გამწვავდა, რაც სააკაშვილი ქალაქ ჩერნიგოვში ჩავიდა პარლამენტის შუალედურ არჩევნებში „პოროშენკოს ბლოკის" კანდიდატის მხარდასაჭერად, რომლის მეტოქეც კოლომოისკისთან დაახლოებული ბიზნესმენია:
„სააკაშვილს სასამართლოში ვუჩივლებ. მან თქვა, რომ აქვს მასალები კონტრაბანდასთან ჩემი კავშირის შესახებ, რომ მის ხალხს ქრთამს ვთავაზობდი. საუბარია საქართველოს გენერალურ პროკურორზე, შინაგან საქმეთა მინისტრზე და პრემიერ-მინისტრზე. როგორ წარმოგიდგენიათ, მოვდივარ რაღაც საგადასახადო პრობლემების განსახილველად და ქრთამს ვაძლევ პრემიერ-მინისტრს და გენპროკურორს?" - განუცხადა კოლომოისკიმ ჟურნალისტებს.
კოლომოსკის აზრით, სააკაშვილი „გულის სირღმეში საქართველოზე ოცნებობს", ამავე დროს, „უკრაინის პრეზიდენტის სავარძლისკენაც იყურება".
