წუხელ, გვიან ღამით, შიდა სახელმწიფოებრივი მნიშვნელობის ახმეტა-თელავი-ბაკურციხის საავტომობილო გზის 35-ე კმ-ზე, მდინარე კისისხევზე არსებული ხიდი ნაწილობრივ ჩაინგრა. დაზიანდა მსუბუქი ავტომობილი, თუმცა მძღოლის უვნებელი გადარჩა.

როგორც „რეპორტიორს" საავტომობილო გზების დეპარტამენტიდან აცნობეს, ადგილზე გაგზავნილია საპროექტო ჯგუფი, მობილიზებულია სამშენებლო ორგანიზაციები და დაწყებულია  ხიდის აღდგენითი სამუშაოები.

დაზიანების სირთულიდან გამომდინარე, აღნიშნული სამუშაოები გარკვეულ ვადას მოითხოვს.

მიუხედავად აღდგენითი სამუშაოების მიმდინარეობისა, აღნიშნულ ხიდზე ავტოტრანსპორტის მოძრაობა შენარჩუნებული იქნება.