თსუ რექტორი, აკადემიკოსი ვლადიმერ პაპავა ცნობილ ქართველ საოპერო მომღერალს, მეცო-სოპრანოს, თსუ ეკონომიკისა და ბიზნესის ფაკულტეტის კურსდამთავრებულს ქეთევან ქემოკლიძეს შეხვდა.

მსოფლიოში აღიარებულმა საოპერო მომღერალმა თსუ რექტორს საჩუქრად გადასცა პადუის (იტალია) უნივერსიტეტის მკვლევრის სალვატორე პუჯონის წიგნი „მითოლოგიური საფოს პოეზიის შესახებ".

ცნობილი იტალიური საგამომცემლო სახლის მიერ გამოცემული წიგნი პოეზიაში, თეატრში, ქანდაკებაში, ხელოვნების სხვადასხვა დარგებში ძველი ბერძენი ლირიკოსი ქალის საფოზე შექმნილ ნაწარმოებებს ეძღვნება. ავტორმა წიგნის ერთი თავი ქეთევან ქემოკლიძეს მიუძღვნა გუნოს ოპერაში „საფო" საფოს პარტიის შესრულებისთვის.