საქართველოში ამერიკის შეერთებული შტატების ელჩის მოვალეობის შემსრულებელი - ნიკოლას ბერლინერი მისი მისამართით გამოთქმულ კრიტიკულ განცხადებებს პასუხობს.

"განცხადება, რომელიც გასულ კვირას ტელეკომპანია "რუსთავი 2"-თან დაკავშირებით გავაკეთე, ვფიქრობ მოულოდნელი არავისთვის უნდა ყოფილიყო. კარგად არის ცნობილი შეერთებული შტატების პოზიცია მედიის თავისუფლებასთან დაკავშირებით. ამ შემთხვევაში ჩვენ უბრალოდ მოვუწოდეთ სიფრთხილისკენ და იმედი გამოვთქვით, რომ ნებისმიერი სამართლებრივი პროცესი უმაღლესი სტანდარტების შესაბამისად წარიმართება. ჩემს მიერ გაკეთებული განცხადება შეგიძლიათ მიიღოთ, როგორც შეერთებული შტატების ხელისუფლებისა და საელჩოს პოზიცია", - განუცხადა ელჩის მოვალეობის შემსრულებელმა რუსთავი 2-ს.

შეგახსენებთ, რამდენიმე დღის წინ ნიკოლას ბერლინერმა Media.ge-სთან გაკეთებულ კომენტარში, განაცხადა, რომ "წუხილს იწვევს მოვლენების ისეთი განვითარება, რომელიც მედიის თავისუფლების საფრთხის ქვეშ დაყენების ან მედიაპლურალიზმის დარღვევის შთაბეჭდილებას ტოვებს". მის განცხადებას, ღია წერილით უპასუხა მწერალმა დავით მაღრაძემ.

ღია წერილში ნათქვამი იყო, რომ "ნაციონალური მოძრაობისგან" განსხვავებით, დღევანდელი ხელისუფლება აღარ აკონტროლებს მედიას.

იხილეთ დავით მაღრაძის ღია წერილის სრული ვერსია:

http://www.reportiori.ge/?menuid=3&id=74463&lang=1