ორი ჟურნალისტის სასტიკი მკვლელობა - ჩრდილოეთ მალიში ფრანგული რადიო სადგურ RFI-ის ჟურნალისტები გაიტაცეს, შემდეგ კი სასტიკი წამებით მოკლეს. გისლენ დიუპონი და კლოდ ვერლონა, ქალაქ კიდანში ადგილობრივ პოლიტიკოსთან ინტერვიუს ჩაწერის შემდეგ, ტყვედ აიყვანეს. პოლიტიკოსი გატაცების ფაქტს პირისპირ შეესწრო, რესპოდენტი ხმაურის გაგონებაზე გარეთ გამოვიდა, მაგრამ შეიარაღებულმა პირებმა მას უკან შებრუნება აიძულეს. მალევე ჟურნალისტების გვამები უდაბნოში გზიდან ათეული კილომეტრის დაცილებით დასახლებული პუნქტიდან სილაში იპოვეს.
57 წლის დიუპონისათვის და 55 წლის ბერლონასათვის ქალაქ კიდანში, მეორე სამუშაო მივლინება გახლდათ ივლისში ისინი პირველად საპრეზიდენტო არჩევნების პირველი ტურის გასაშუქებლად ესტუმრნენ აფრიკულ ქვეყანას. საფრანგეთის პრეზიდენტმა ჟურნალისტების მკვლელობას ,,ამაზრზენი,, ფაქტი უწოდა და მალის ხელისუფლებას მოუწოდა საფრანგეთის სამართალდამცავებთან თანამშრომლობისკენ.
ბოლო დროს კომფლიქტების ზონაში, არც სახელისუფლებო ძალები და ტერორისტული დაჯგუფებები უკვე აღარ ერიდებიან ჟურნალისტების გატაცებას და მკვლელობებს, აცხადებენ მსოფლიო ჟურნალისტთა ასოციაციაში. მალიში ჟურნალისტების მკვლელობით 2013 წელს ცხელ წერტილებში დაღუპული მედიის წარმომადგენლების რიცხვმა 42-ს მიაღწია.
