"რეპორტიორები საზღვრებს გარეშე" მედიის დამოუკიდებლობის რეიტინგს აქვეყნებს, სადაც საქართველო 180 ქვეყანას შორის 69-ე ადგილს იკავებს. გასულ წელს საქართველოს 84-ე ადგილი ეკავა.

ორგანიზაციის ვებგვერდზე აღნიშნულია, რომ მედიამფლობელების გამჭვირვალობა გაუმჯობესდა, ასევე აღნიშნულია, რომ 2012-2013 წლების არჩევნების შემდეგ, საქართველო წინა წლებში დაწყებული რეფორმების შედეგებს იმკის. ამას გარდა, ნათქვამია, რომ საინფორმაციო გამოშვებები პოლიტიკურად პოლარიზებულია და ჯერ კიდევ არც თუ დამოუკიდებელია.