ჟურნალისტ ინგა გრიგოლიას განცხადებით, როდესაც მან გადაცემა „რეაქიის " დახურვის შესახზებ ინფორმაცია შეიტყო, პირველი ადამიანი, ვისაც დაეკონტაქტა ქვეყნის პრეზიდენტი, გიორგი მარგველაშვილი გახლდათ.
„პრეზიდენტი იყო პირველი ადამიანი, ვისაც მე ვესაუბრე. როგორც კი გადაცემის დახურვის გადაწყვეტილების შესახებ ჩემთვის ცნობილი გახდა, სმს შეტყობინება მივწერე პრეზიდენტს. პირადად გადმომირეკა. ეს იყო პირველი ადამიანი, ვინც მე ჩავთვალე, რომ უნდა ჩამეყენებინა საქმის კურსში. იმიტომ რომ, მე მას ძალიან დიდ პატივს ვცემ და მერე ვთქვი კიდეც, რომ როგორ ვნანობ, რომ თავის დროზე არ მივიღე მონაწილეობა, როგორც ამომრჩეველმა საპრეზიდენტო არჩევნებში და მას არ მივეცი ხმა. თუ ის მეორედ დააყენებს კანდიდატურას არჩევნებში, მე მას აუცილებლად მივცემ ხმას. იმიტომ, რომ ის იყო პირველი ადამიანი, რომელმაც გადმომირეკა, მოისმინა და ის იყო ძალიან კარგი და ძალიან მკვეთრი განცხადება, რომელიც მან გააკეთა", - განაცხადა ინგა გრიგოლიამ გადაცემაში „არჩევანი."
