ინგა გრიგოლიას ორი თოქ-შოუს დახურვის შემდეგ, ტელეკომპანია „იმედმა" არხზე პოლიტიკურ თოქ-შოუების არსებობის შესახებ ორი განცხადება გაავრცელა.
ბოლო განცხადების მიხედვით, არხი არ აპირებს უარი თქვას პოლიტიკურ თოქ -შოუებზე და აქტიურად მიმდინარეობს მოლაპარაკებები „წამყვანობის სხვადასხვა კანდიდატებთან".
„იმედიდან" გამოსული ინფორმაციის თანახმად, ერთ-ერთი ასეთი კანდიდატი, რომელთანაც მოლაპარაკება მიმდინარეობს ჟურნალისტი ირაკლი იმნაიშვილია, რომელიც ამჟამად ლონდონში ცხოვრობს და ჟურნალისტურ საქმიანობას იქ ეწევა.
გავრცელებული ინფორმაციით, იმნაიშვილი „რეაქციის" მსგავს პოლიტიკურ თოქ -შოუს წაიყვანს . აღნიშნული ინფორმაციის გადამოწმებას „პირველი რადიო" იმედის გენერალურ დირექტორთან შეეცადა, თუმცა გიორგი ბახტაძე სატელეფონო ზარებს არ პასუხობს. ირაკლი იმნაიშვლთან დაკავშირება კი ვერ მოხერხდა.
