სრულიად საქართველოს კათოლიკოს პატრიარქმა ილია მეორემ მრევლს მიმართა და სთხოვა, რომ 21 სექტემბერს, ყოვლადწმინდა ღვთისმშობლის შობის დღეს ყველამ წარმოთქვას ლოცვა.

„ა.წ. 21 სექტემბერს მთელი მართლმადიდებელი სამყარო აღნიშნავს ყოვლადწმინდა ღვთისმშობლის შობის დღეს. ჩვენ, როგორც ღვთისმშობლის წილხვედრი ქვეყნის შვილებს, გვმართებს მისდამი განსაკუთრებული პატივისცემის გამოჩენა. სრულიად საქართველოს კათალიკოს-პატრიარქის ლოცვა-კურთხევით ამ დღეს, 12 საათზე, საქართველოს ყველა ტაძარში დაირეკება ზარი 12-ჯერ და ყველამ, სადაც არ უნდა იყოს იგი, უნდა თქვას დედაღვთისადმი სავედრებელი პატარა, მაგრამ ძლიერი ლოცვა: „მოწყალებისა კარი განგვიღე, კურთხეულო ღვთისმშობელო"- ბრძანა პატრიარქმა.