სასტუმრო „ჰოლიდეი ინ"-თან, სადაც ფეხბურთის ფედერაციის პრეზიდენტობის არჩევნებისთვის ყრილობა უნდა დაიწყოს, დაძაბული ვითარებაა. საარჩევნო-საანგარიშო ყრილობა ამ დრომდე არ დაწყებულა. ფეხბურთის ფედერაციის პრეზიდენტობის ერთ-ერთმა კანდიდატმა რეზი არველაძემ საგანგებო განცხადება გააკეთა და დელეგატებს მოუწოდა, არ დაიწყონ ყრილობა, სანამ ერთ-ერთი დელეგატი - გეგა გობეჯიშვილი არ გათავისუფლდება პატიმრობიდან.
ადგილზე საკმაოდ დაძაბული ვითარებაა. კობიაშვილის მხარდამჭერები მოითხოვენ, რომ ყრილობა დაიწყოს. ადგილზე იმყოფება ვიცე-პრემიერი კახა კალაძეც.
პრეზიდენტობის კანდიდატ ლევან კობიაშვილის განცხადებით, ერთ-ერთ ოთახში დელეგატები ჰყავთ ჩამწყვდეული.
ფეხბურთის ფედერაციის საანგარიშო ყრილობის დაწყებას ფეხბურთის ფედერაციის პრეზიდენტობის კანდიდატების მხარდამჭერები და მედიის წარმომადგენლები ამ დრომდე ელოდებიან.
