სასტუმრო "ჰოლიდეი ინნ"-ში საქართველოს ფეხბურთის ფედერაციის პრეზიდენტის საარჩევნო ყრილობის დელეგატთა რეგისტრაცია დასრულდა.

უახლოეს ხანში დაიწყება ყრილობა - აირჩევენ საარჩევნო და ხმის დამთვლელ კომისიებს.

სავარაუდოდ, ყრილობის დასაწყისში დელეგატებს შორის ჩატარდება კენჭისყრა იმის თაობაზე, გაუუქმდებათ თუ არა ხმის მიცემის უფლება რაჭა-ლეჩხუმ-ქვემო სვანეთის და გურიის სამხარეო ფედერაციების დელეგატებს.

ამის შემდეგ კი, დაიწყება საპრეზიდენტო არჩევნები. დელეგატები ფარული კენჭისყრით დააფიქსირებენ პოზიციას რევაზ არველაძეს, ლევან კობიაშვილსა და მამუკა კვარაცხელიას შორის.