10 ოქტომბერს, 13:30 საათზე, ელექტრონული წიგნების სახლი „საბა" გიწვევთ გურამ დოჩანაშვილის ახალი წიგნის პრეზენტაციაზე.

მწერალი 13 ივნისის მოხალისეებს უძღვნის თავის ახალ წიგნს - „გივიზე", რომლის პერსონაჟიც მწერლის მეგობარი, 13 ივნისს ტრაგიკულად დაღუპული ზოოპარკის თანამშრომელი - გივი დვალია. გივი დვალი თითქმის მთელი ცხოვრება ზოოპარკში მუშაობდა და ცხოვრობდა.

წიგნი გამოსცა გამომცემლობა „მერიდიანმა".

„ყველას, ვინც გულთან მიიტანა ეს ტრაგედია, ვინც მიიჩნევს, რომ თბილისი ერთია, გიწვევთ ზოოპარკში, 10 ოქტომბერს, 13:30 საათზე.

გურამ დოჩანაშვილს სურს, პირადად აჩუქოს თავისი ახალი წიგნი ყველა იმ ადამიანს, ვინც 13 ივნისის მოხალისეობრივ ფრონტს შეადგენს.

11 ოქტომბრიდან კი ყველა მკითხველს შეუძლია, უფასოდ ჩამოტვირთოს ამ წიგნის ელექტრონული ვერსია saba.com.ge-დან.

შემოგვიერთდით, ხმა მიაწვდინეთ ყველა მოხალისეს!" - ნათქვამია facebook-გვერდზე განცხადებაში.