საქართველოს პრემიერ-მინისტრი ირაკლი ღარიბაშვილი ქართველ მორაგბეთა ეროვნულ ნაკრებს - „ბორჯღალოსნებს" გამარჯვებას ულოცავს და თავდადებისთვის მადლობას უხდის.

„მადლობა ბიჭებო, ამ თავდადებისთვის და გამარჯვებისთვის. გილოცავთ, ჩვენმა მორაგბეებმა კიდევ ერთხელ გვასახელეს! მე ვამაყობ ჩვენი ''ბორჯღალოსნებით'' და დარწმუნებული ვარ, ამაყია თითოეული ქართველი!"- აღნიშნულია პრემიერის მისალოც წერილში.

საქართველოს მორაგბეთა ეროვნულმა ნაკრებმა მსოფლიოს თასზე ბოლო შეხვედრა გამარჯვებით დაასრულა.

„ბორჯღალოსნებმა" ნამიბია ანგარიშით 17:16 დაამარცხეს. მილტონ ჰეიგის გუნდმა ამ გამარჯვების შედეგად 8 ქულა მოაგროვა, რის შედეგადაც ჯგუფში სავარაუდოდ მესამე ადგილს დაიკავებს და მომდევნო მსოფლიო თასზე ავტომატურად თამაშის უფლებას მოიპოვებს.

იმ შემთხვევაში თუ ტონგა ახალ ზელანდიას 9 ოქტომბერს დაამარცხებს, ამ შემთხვევაში საქართველოს გადაასწრებს და მესამე ადგილოსანი სწორედ ის გახდება.

ქართველთაგან ქულები მამუკა გორგოძემ (ლელო), ლაშა მალაღურაძემ (ლელო) და მერაბ კვირიკაშვილმა მოაგროვეს (2 გარდასახვა, 1 ჯარიმა).