ცნობილი ფეხბურთელი ვიტალი დარასელია 1957 წლის 9 ოქტომბერს დაიბადა. მისი სიცოცხლე ხანმოკლე აღმოჩნდა -1982 წლის 13 დეკემბერს ტრაგიკულად დაიღუპა. ის მდინარე ძირულაში გადავარდა მანქანიანად.

ვიტალი დარასელიამ თავისი კარიერის ძირითადი ნაწილი თბილისის „დინამოში" გაატარა. უეფა-ს თასების მფლობელთა თასის 1980-81 წლების გათამაშების ფინალში, მატჩის დასრულებამდე სამი წუთით ადრე, „კარლ ცაისის" კარში გაიტანა გადამწყვეტი გოლი და გუნდს გამარჯვება მოუტანა.

2007 წელს, მისი დაღუპვიდან 25 წლისთავზე, ვეტერანებმა მის პატივსაცემად მატჩი გამართეს. ოჩამჩირის ადგილობრივი სტადიონი სწორედ ვიტალი დარასელიას სახელს ატარებს.