ხვალ, 11 ოქტომბერს,  საზოგადოებრივი  მოძრაობა „ქართული მისია" გარდაბნის მუნიციპალიტეტის სოფელ ვაზიანში მცხოვრები მოსახლეობის  დასახმარებლად საქველმოქმედო აქციას ჩაატარებს.

დახმარება გათვლილია 70 ადამიანზე და ითვალისწინებს ტანსაცმელ-ფეხსაცმლის დარიგებას. აგრეთვე „ქართული მისიის" მიზანია, გაეცნოს ვაზიანის მოსახლეობის სოციალურ მდგომარეობასა და საცხოვრებელ პირობებს.

ვიზიტის ფარგლებში დაგეგმილია სოფელ ვაზიანის მიმდებარე  ე.წ. „შანხაის დასახლების" მონახულებაც, სადაც 130-მდე უკიდურესად მძიმე სოციალურ პირობებში მცხოვრები ოჯახი ცხოვრობს.