ყოვლადწმინდა სამების საკათედრო ტაძარში საკვირაო ლიტურგიის დასრულების შემდეგ საქართველოს კათოლიკოს პატრიარქმა ილია მეორემ საქართველოდან წასულ დედებს თხოვნით მიმართა, რომ სამშობლოში საკუთარ ქმარ-შვილთან დაბრუნდნენ.
"დღეს შემოვიდა მანკიერი წესი, დედები ტოვებენ თავის ოჯახებს, მიდიან უცხოეთში და ქმარ-შვილი უპატრონოდ რჩებათ სახლში. ზოგიერთი ფიქრობს, არ არის სამუშაო, არ არის სამსახური. ეს არ არის სწორი. ყველაზე დიდი ქომაგი ადამიანისა, ყველაზე დიდი დამხმარე ჩვენი დედამიწაა. ღმერთმა მოგვცა ჩვენ დედამიწა ისეთი მადლიანი, რომ ადამიანი თუ მიწაზე იშრომებს, ბედნიერი იქნება. მე მინდა მოგმართოთ ყველას, მივმართო მათ, ვინც წასულია, ვინც უცხოეთშია, დაბრუნდით სახლში, სახლი უკეთესია. საქართველოსათანა ქვეყანა მსოფლიოში არ მოიძებნება, დაბრუნდით და იშრომეთ. ერთმა საქმემ თუ არ გაგიმართლათ მიხედეთ მეორეს, მესამეს, მეათეს. არ შეიძლება ასეთ ქვეყანაში როგორიც არის საქათველო, უმუშევარი იყოს ადამიანი. მე იმედი მაქვს, რომ ჩვენი ხალხი დაბრუნდება სამშობლოში და ყოვლადწმინდა ღვთსმშობელი დედა დაეხმარება მათ, სიუხვე და მადლი ჰქონდეთ",- ბრძანა პატრიარქმა.
