შრომის, ჯანმრთელობისა და სოციალური დაცვის მინისტრის დავით სერგეენკოს განცხადებით, უკვირს, რომ აქცენტი მარტო იმაზეა, კადრები უნდა ეჩვენებინათ თუ არა და აღარავინ არ ახსენებს იმას, რომ ეს მართლაც მოხდა.
„გაკვირვებული ვარ, რომ საზოგადოებისა და მედიის აქცენტი არის იმაზე, შეიძლებოდა თუ არა ამის ჩვენება. რა თქმა უნდა, არა და აღარავინ ახსენებს იმას, რომ ეს რეალურად მოხდა და რეალურმა ადამიანებმა ჩაიდინეს ეს არაადამიანობა. მიკვირს, რომ აქცენტი მარტო იმაზეა, აქ უნდა გაშვებულიყო თუ არა და აღარავინ ახსენებს იმას, რომ ეს მართლაც მოხდა.
რეჟიმი არ შეცვლილა კასრების ისტორიის გამო, არამედ შეიცვალა იმის გამო, რომ საქართველოს მოსახლეობამ გააკეთა თავისი არჩევანი, მრავალი სხვა ფაქტორის გამო", - განაცხადა დავით სერგეენკომ.
უკრაინულ საიტზე წამებისა და სექსუალური ძალადობის ამსახველი ვიდეოკადრები გამოქვეყნდა, რომელიც სამეგრელოშია გადაღებული.
