ექსპერტმა ეკონომიკურ საკითხებში ემზარ ჯგერენაიამ „რეპორტიორის" პრესკლუბში ეკონომიკური ზრდის დაბალი მაჩვენებლების მიზეზებზე ისაუბრა და ამ პროცესის გამომწვევი რამდენიმე ფაქტორი დაასახელა.
ექსპერტის აზრით, ბოლო ერთი წლის განმავლობაში, ქვეყნის ეკონომუკური ზრდის დინამიკაზე მნიშვნელოვანი გავლენა მოახდინა ქვეყნის შიდა და გარე ფაქტორებმა.
„რუსეთთან ომის შემდგომ, ყოველწლიურად ვიღებდით ერთი მილიარდ 200 მილიონ ლარს, როგორც დახმარებას. ეს დახმარება შეჩერდა 2013 წელს. უნდა მოფიქრებულიყო ამის კომპენსაცია, რაც არ მოხდა. მეორე ფაქტორია წინა წლებიდან გადმოყოლილი დავალიანება - დღგ-ს უკან დაბრუნება, რაც ვერ მოხერხდა და მნიშვნელოვან ტვირთად დააწვა ბიუჯეტს. მესამე ფაქტორს კი წარმოადგენს არასწორად გათვლილი ეკონომიკური ზრდის მაჩვენებელი ე.წ. 6%", - განაცხადა ექსპერტმა.
ჯგერენაიას თქმით, ეკონომიკურ ზრდას ხელი შეუშალა ასევე ორხელისუფლებიანობამ და იმ სტრუქტურული ცვლილებების არგატარებამ, რაც აუცილებლად უნდა განხორციელებულიყო. ასევე არ განხორციელდა ინვესტიციები, რამაც მნიშვნელოვნად დააზარალა ქვეყნის ეკონომიკა.
