ჟურნალისტ ილია ჩაჩიბაიას განცხადებით მედიაკავშირი „ობიექტივი" ყოველდღე 00:05 საათზე ეთერში ციხის კადრებისა და ზუგდიდის სამალავში აღმოჩენილი ფარული ჩანაწერების მოკლე ფრაგმენტეს გაუშვებს.
შეგახსენებთ, რომ არასამთავრობო ორგანიზაციება მედიაკავშირ „ობიექტივს" აღნიშნული საკითხის ფართო მასებისთვის გავრცელების გამო უჩივლეს, თუმცა ობიექტივი პოზიციებს არ თმობს.
„ობიექტივის" წამყვანებმა მივიღეთ გადაწყვეტილება, რომ გავრცელებული წამების კადრების ფრაგმენტები, ყოველდღე 00:05 საათზე ეთერში გავუშვათ. ჩვენ მიგვაჩნია, რომ ეს ჩანაწერები საზოგადოებრივი ინტერესის საგანს წარმოადგენს და სააკაშვილის ხელისუფლებას ამხელს. ხაზგასმით ვამბობ, რომ კადრები არ შეიცავს პირადი ცხოვრების ამსახველ ფრაგმენტებს, ეს არის სისტემური დანაშაულის დამადასტურებელი მტკიცებულება. გადაწყვეტილება, რომელიც ჩვენთვის ძალიან მძიმე იყო, მაყურებლების დაჟინებული მოთხოვნის და პროფესიული მოვალეობის გრძნობის საფუძველზე მივიღეთ. კადრების გაშვებას, წინ უძღვის გაფრთხილება, არასრულწლოვანი და სუსტი ფსიქიკის მქონე პირები ეკრანს გაერიდონ.
ყოფილი ხელისუფლების სატელიტი, 11 არასამთავრობო ორგანიზაცია "ობიექტივის" ეთერში წამების ამსახველი კადრების გადაცემის გამო საქართველოს კომუნიკაციების ეროვნულ კომისიას მიმართავს და თხოვს, რეაგირება მოახდინოს.
მაინტერესებს, რატომ არცერთი ორგანიზაცია არ გმობს სამეგრელოში ამოღებულ ჩანაწერებში წამების, გაუპატიურების და არაადამიანურად მოპყრობის ფაქტებს და რატომ ამახვილებს ყურადღებას მხოლოდ კადრების გასაჯაროვება-არგასაჯაროვების საკითხზე?
საჩივრის მიუხედავად, "ობიექტივი" წამების ამსახველი და "ნაციონალური მოძრაობის" მამხილებელი კადრების ეთერში ჩვენებას აგრძელებს.
აქვე გთავაზობთ მომჩივანთა სრულ სიას:
მედიის განვითარების ფონდი, MDF
საქართველოს დემოკრატიული ინიციატივა, GDI
ბალტიისა და შავი ზღვის ალიანსი
საფარი
კონსტიტუციის 42 მუხლი
ტოლერანტობის და მრავალფეროვნების ინსტიტუტი, TDI
საქართველოს რეფორმების ასოციაცია, GRASS
იდენტობა
მედია კლუბი
არაძალადობრივი კომუნიკაციის ინსტიტუტი
საქართველოს სტრატეგიული კვლევების ინსტიტუტი (GISS)"- აცხადებს ჩაჩიაბაია.
