გავრცელებული ინფორმაციით, საქართველოს სასჯელაღსრულების, პრობაციისა და იურიდიული დახმარების საკითხთა სამინისტრო ეტაპობრივად განათავსებს ინფორმაციას ამნისტიის მიმდინარეობის შესახებ. კერძოდ: „ამნისტიის შესახებ“ საქართველოს კანონის თანახმად 2013 წლის 15 ივლისიდან 21 ივლისის ჩათვლით ამნისტირებულია პატიმრობისა და თავისუფლების აღკვეთის დაწესებულებებში განთავსებული 3 პირი. მათგან სამივე, საქართველოს უზენაესი სასამართლოს გადაწყვეტილებით სრულად გათავისუფლდა საპატიმრო სასჯელის მოხდისაგან. ამნისტირებულ 3 ბრალდებულთა შორის სამივე სრულწლოვანი იყო.