კოალიცია „ჩვენი უფლებებისათვის" თავმჯდომარე დავით ლილუაშვილმა „რეპორტიორს" განუცხადა, რომ იმ ადამიანებისგან, ვინც საკუთარ მოსახლეობას საზარბაზნე ხორცად მოიაზრებს, რევოლუციისა და სისხლისღვრის მოწყობა გასაკვირი არ არის.
„გუშინ ყველამ შევიტყეთ, რა კონკრეტული მიზანი და ამოცანები ჰქონიათ „ნაციონალური მოძრაობის" ე.წ. „მამებს"... სატელეფონო საუბრების ავთენტურობა არ დგას კითხის ნიშნის ქვეშ, რადგან ბოკერია და გვარამია თვითონვე ადასტურებენ სააკაშვილთან ამ საუბრების სინამდვილეს. იმ ადამიანებისგან, ვინც საკუთარ მოსახლეობას საზარბაზნე ხორცად მოიაზრებს, ხოლო საერთაშორისო საზოგადოების წარმომადგენლებს კი იდიოტებს უწოდებს, რევოლუციისა და სისხლისღვრის მოწყობა რა გასაკვირია?! ბოროტება კიდევ ერთხელ წარსდგა ავანსცენაზე „ნაცმოძრაობის" სახით... მეფე (ათასმეერთედ) შიშველია", - განაცხადა ლილუაშვილმა.
