პარლამენტის განათლების, მეცნიერებისა და კულტურის კომიტეტის წევრი ფრიდონ საყვარელიძე „პატრიოტთა ალიანსის" ბრალდებებს პასუხობს. როგორც საყვარელიძე აცხადებს, თუკი რაიმე პრეტენზია არსებობს, დააფიქსირონ ყველა ფაქტი:
„მოსაზრებები, რომლებსაც ძალიან უხვად ავრცელებენ ჩვენი კონკურენტები, თითქოს მიმდინარეობს აგიტაცია-პროპაგანდა, რამდენი ხანია საგარეჯოში დავდივარ და არ მინახავს. ამგვარი არაფერი გვჭირდება. თითოეული ფაქტი დააფიქსირონ და მზად ვართ, პასუხი გავცეთ", - აცხადებს საყვარელიძე.
„პატრიოტთა ალიანსიდან" საგარეჯოს მაჟორიტარობის კანდიდატმა ირმა ინაშვილმა შტაბში გამართულ ბრიფინგზე განაცხადა, რომ ჩნდება ეჭვი, რომ თავდაცვის მინისტრი თინა ხიდაშელი ჯარისკაცების ხმების გამოყენებას ცდილობს საგარეჯოს მაჟორიტარობის კანდიდატის „ქართული ოცნებიდან" თამარ ხიდაშელის სასარგებლოდ.
მისი თქმით, უჯარმაში, სადაც მუხროვანის სამხედრო ბაზაა, გახსნილია სპეცუბანი, სადაც ხმას ჯარისკაცები აძლევენ.
