„პატრიოტთა ალიანსის" წევრი ამირან საგინაშვილი, რომელიც სოფელ დიდ ჩაილურში საკრებულოს მაჟორიტარად იყრიდა კენჭს, დღეს პოლიციაში დაკითხვაზე ჰყავდათ. როგორც „უფლებადამცველთა გაერთიანების" თავმჯდომარე ნიკოლოზ მჟავანაძე „რეპორტიორთან" საუბარში ამბობს, რამდენიმე დღის წინ მომხდარი ინციდენტის გამო მაჟორიტარობის კანდიდატი დღეს დაიბარეს დაკითხვაზე და მთელი დღე განყოფილებაში იმყოფებოდა. ამირან საგინაშვილთან საუბარი შეძლო „რეპორტიორის" კორესპონდენტმა. როგორც დაკითხვის შემდეგ საგინაშვილმა განმარტა, მან მთელი დღე დაკითხვაზე ყოფნაში დაკარგა, შესაბამისად, არ იცის, როგორ განვითარდა საარჩევნო პროცედურები:
„კენჭი უნდა მეყარა, თუმცა, დილის საათებში დამირეკეს საბურთალოს პოლიციიდან, რომ გამოვცხადებულიყავი დაკითხვაზე. ერთი კვირის წინ ინციდენტი მომივიდა და ამასთან დაკავშირებით. წასვლა მომიწია, შესაბამისად, მთელი დღე დავკარგე", - განუცხადა „რეპორტიორს" საგინაშვილმა.
