„ღია გალია", -ასე ჰქვია ოთარ ფალიანის პირველ პოეტურ კრებულს, რომლის პრეზენტაციაც დღეს პარლამენტის ეროვნულ ბიბლიოთეკაში გაიმართა. ახალგაზრდა პოეტის კრებული 106 ლექსისგან შედგება და ის ძირითადად პატრიოტულ მოტივებზეა აგებული. „ღია გალია" შემოქმედის განცდებისა და პიროვნული გრძნობების წიგნად გამოცემული გამოძახილია.

ოთარ ფალიანი ლექსებს ბავშვობიდან წერს. პირველი ლექსი მან 3 წლის ასაკში დაწერა. როგორც თავად ამბობს, საკუთარი შემოქმედების ერთ კრებულში მოქცევა დიდი ხანია სურდა. კრებულის სახელწოდება „ღია გალია" კი თავისუფლებისკენ პოეტის სწრაფვას გამოხატავს.