გორის მაჟორიტარი დეპუტატის სოსო ვახტანგიშვილის განცხადებით მედიაში გავრცელებული ინფორმაცია, რომ მამისონის უღელტეხილზე რუსმა სამხედროებმა დროშა აღმართეს, სიმართლეს არ შეესაბამება. ამის შესახებ ვახტანგიშვილმა გადაცემაში „2030" განაცხადა.

„საზღვრისპირა სოფლებში, ასევე, მამისონის მიმდებარე ტერიტორიაზე, ოკუპანტი მხარე არცერთი ნაბიჯით არაა გადმოსული. ვისაც აინტერესებს, შეუძლია ჩამობრძანდეს და ნახოს. ოპონენტებს სურთ, რომ სტრესულ მდგომარეობაში ამყოფონ მოსახლეობა და ტყუილით პოლიტიკური ქულები ჩაიწერონ. მინდა მათ შევახსენო, რომ 2008 წლის სამხედრო აგრესიის შედეგად 150-ზე მეტი სოფელი დაიკარგა, ჩვენი ხელისუფლების დროს კი, საქართველოს არცერთი სოფელი არ დაუკარგავს." - განაცხადა სოსო ვახტანგიშვილმა.