„რუსთავი 2"-ის დროებითი მმართველი რევაზ საყევარიშვილი პირობას დებს, რომ ის გუნდი, რომელიც „რუსთავი 2"-ში მუშაობს, არ შეიცვლება:

„ხაზი მინდა გავუსვა, ჩვენ, როგორც დროებითი მმართველები, მოწოდებულები ვართ, უზრუნველვყოთ კომპანიის შეუქცევადი და წარმატებული საქმიანობა, განურჩევლად იმისა, როგორ დამთავრდება სამართლებრივი დავა. მთავარი კითხვა რაც არის და ბევრჯერ გაჟღერდა პასუხი, ასევე ჩემი თანხმობის ერთ-ერთი საფუძველი ეს გარანტია იყო - „რუსთავი 2"-ში არ ჩაკვდება კრიტიკული აზრი. გავა დრო და ყველას ამას დაინახავს. მივმართავ ჩემს ყველა კოლეგას, „რუსთავი 2"-ში ვმუშაობდი მეც, მყავს ბევრი მეგობარი, მაკავშირებს რამდენიმეწლიანი მეგობრობაც კი - ჩვენ ერთად ვიმუშავებთ. არცერთი ჟურნალისტი არხს არ დატოვებს, თუ ეს არ იქნება მისი პირადი სურვილი. მე ვფიქრობ, ეს შესაძლებელია, ვფიქრობ, ამას ხელს არაფერი შეუშლის და ვთვლი, რომ „რუსთავი 2" თავის ადგილს შეინარჩუნებს და კიდევ უფრო გაიძლიერებს", - განაცხადა საყევარიშვილმა.