„დღეს ის პიროვნება, რომელიც თქვენი დირექტორი იყო, არის უფლებაშეჩერებული. ნებისმიერი მისი ქმედება ტელევიზიასთან დაკავშირებით იქნება უკანონო", - ტელეკომპანია „რუსთავი 2"-ის ერთ-ერთი დამფუძნებელი დავით დვალი ტელეკომპანიის ჟურნალისტებს მიმართავს:

„აწი თქვენი გადასაწყვეტია, დაემორჩილებით თუ არა მის ბრძანებებს, თუ დაფიქრდებით თქვენს საკუთარ მომავალზე - ღირს თუ არა ამის გაგრძელება. გვარამია ვერცერთ ქაღალდს ხელს ვერ მოაწერს, არც ერთ მის ქმედებას ძალა არ ექნება. ვითომ ერთსულოვნება რომ უნდა დახატოს ტელევიზიაში, პარალელი გაავლეთ იმასთან, რაც მე და ჯარჯიმ გავაკეთეთ - არც ერთი ჟურნალისტი იმ მოვლენების დროს არ გამოგვიყენებია! თუმცა შეგვეძლო, მაგრამ არ ვიკადრეთ. თქვენ იყავით ყველაზე დიდი ფასეულობა ჩვენთვის. არც ერთი განცხადება არ მოგვითხოვია, თქვენ გაგეკეთებინათ. დააკვირდით მთელ ისტორიას! თქვენს სინდისთან დაფიქრდით, გაიაზრეთ და მიიღეთ გადაწყვეტილება!" - განაცხადა დავით დვალმა.